影片
更多
2024-06-27
3030 浏览
同事最近搬去将军澳，参观完新居后，好应该”分享”下附近有咩好嘢食。之前食过呢间就再次回头。提供大路潮州菜式，见佢加咗D粤式菜，仲多选择。食潮州嘢饮汤又唔一定要胡椒猪肚汤，想进一步养生，呢度有炖汤饮。问侍应今晚有咩汤款，就系呢两款。淮山杞子炖乌鸡 ($68)虫草花炖瘦肉 ($68)原盎上够晒热度，仲有埋汤料，真材实料无花假。汤唔油腻之余，仲几清甜，我就连D汤料都食埋。相比起卤水鹅，卤水拼盘嘅吸引力都唔输蚀架。除咗拼盘咩都有之外，仲可以自选两拼($108)/三拼 ($128)。今晚就要咗墨鱼，生肠及豆腐呢三拼。”刀手”快斩再淋上卤水汁就可上枱，满满的三拼啊。墨鱼软身带有嚼口，生肠就够爽脆，点埋个潮州辣椒油，正! 个豆腐就点推介点醋蒜汁。 夏天最爱食通菜，无论点炒都钟意食。叫咗个啫啫通菜煲 ($108)，上枱时已然闻到好香，通菜够多又够嫩，合时嘅相当好食，加埋肉碎落去炒，好惹味。见佢餐牌上都有好几款鳝类煮法，想食香口嘅当然要客椒盐鳝球 ($198)。鳝球量相当好客，入口够热度，椒盐味唔会过重，点上喼汁食。炸浆够薄，唔会一口粉，鳝肉够弹牙，用埋送啤酒汽水就绝对岩数。今次要留返D”胃置”去食潮式
提供大路潮州菜式，见佢加咗D粤式菜，仲多选择。
食潮州嘢饮汤又唔一定要胡椒猪肚汤，想进一步养生，呢度有炖汤饮。问侍应今晚有咩汤款，就系呢两款。
淮山杞子炖乌鸡 ($68)
虫草花炖瘦肉 ($68)
原盎上够晒热度，仲有埋汤料，真材实料无花假。汤唔油腻之余，仲几清甜，我就连D汤料都食埋。
相比起卤水鹅，卤水拼盘嘅吸引力都唔输蚀架。除咗拼盘咩都有之外，仲可以自选两拼($108)/三拼 ($128)。今晚就要咗墨鱼，生肠及豆腐呢三拼。”刀手”快斩再淋上卤水汁就可上枱，满满的三拼啊。
墨鱼软身带有嚼口，生肠就够爽脆，点埋个潮州辣椒油，正! 个豆腐就点推介点醋蒜汁。
夏天最爱食通菜，无论点炒都钟意食。叫咗个啫啫通菜煲 ($108)，上枱时已然闻到好香，通菜够多又够嫩，合时嘅相当好食，加埋肉碎落去炒，好惹味。
见佢餐牌上都有好几款鳝类煮法，想食香口嘅当然要客椒盐鳝球 ($198)。
鳝球量相当好客，入口够热度，椒盐味唔会过重，点上喼汁食。
炸浆够薄，唔会一口粉，鳝肉够弹牙，用埋送啤酒汽水就绝对岩数。
今次要留返D”胃置”去食潮式甜品，侍应推介呢个脆皮落汤钱 ($88)，名字相当特别。
见到实物就谂起糖不甩，其实都大同小异，分别在于呢客系底面煎脆，糯米团入面都系无馅，甜味要靠花生碎及糖。入口软糯中带点脆度，中饱肚量但易食。
今餐有汤有菜又有鱼，仲有埋甜品，相当饱足，突然变咗”潮人”。哈….哈…….
张贴
