樸一拉麵

营业中

休息中

最近多咗机会系旺角觅食，当然要发掘下好嘢！早排先知道呢间拉面小店，真系惭愧呢。晚市刚开门第一转唔使排队，入座前其他都谂好要食期间限定嘅清酱油拉面！虽然索价$108比正堂menu嘅拉面贵，但已经有溏心蛋同大量慢煮叉烧，所以我认为分分钟其实系抵咗😆拉面汤底果然系好清甜，一啲都唔咸，正常硬度嘅面已经好有咬口，面加汤食落系有顺喉感觉，溏心蛋水准中上，系我中意嘅口感同味道，加埋叉烧唔肥，慢煮过后亦唔嚡身，一啖接一啖食都冇乜负担，我直头觉得叉烧太多添🤣如果面多少少应该可以平衡返！