澳洲牛奶公司

营业中

休息中

平时去开呢头剪头发，都会去澳牛食个Lunch。食咗咁多次都无帮澳牛写番个comment，今次要写番支持吓先。闲日晏昼等位唔算要好耐，一坐低就自动波识嗌，澳牛个哥仔都唔驶讲啲乜已经搞掂晒。十年如一，炒蛋仍然都系咁好食，香滑唔油，又唔会过火变咗一粒粒。厚多松软仲暖暖哋，火腿就一贯地无乜特别。叉烧意粉，正如饭气攻心啲叉烧，唔会特别好食，填得饱你个肚就得。但正正系呢啲柴皮叉烧整叉烧意粉先好食，用太靓ge反而会唔夹。食到咁上下哥仔走埋嚟问饮乜，平时喺其他茶记都系嗌冻柠茶走甜，但去到澳牛，因为个茶胆okay，所以会嗌番正常，唔好嘥咗杯茶嘛。前后10分钟落单到走人，好一个光速澳牛餐。