梁慶記

营业中

休息中

澳門梁慶記連續四年獲米芝連推介，每次去澳門一定去幫襯，近年梁慶記已進駐香港，最近第二間分店在旺角開咗，當然要過嚟支持下！店舖裝修簡約，乾淨企理，主打竹昇麵。蝦子雲吞撈麵：全蛋竹昇麵每日鮮製，由師傅用傳統竹昇方法製成，麵質爽滑有蛋香，面上淋滿蝦籽，撈勻後食更添鮮味。雲吞亦非常出色，豬肉和蝦比例剛好，大小適中，一口一粒，皮薄餡靚。仲有一碗濃湯跟上，味道鮮甜。咖喱雞扒飯：雞扒已經切成一舊舊，炸至金黃色，外脆肉嫩。咖喱汁香濃順滑，沾滿每舊雞肉，還有蛋蓋飯，嫩滑的蛋伴飯食，增加不少香味。招牌澳門豬扒包：豬扒包即叫即整，麵包外層香脆，豬扒肉質又香又嫩，配上炒香既洋蔥，十分惹味。奶蓋紅豆冰：紅豆林甜，加上奶蓋有淡淡的奶香，口感層次分明，細緻綿密。