梁慶記

营业中

休息中

梁庆记今次要介绍喺旺角嘅一间澳门米芝连推介餐厅叫「梁庆记」，中午真系好full，店员虽然好忙，都揾个方便我嘅座位比我坐，我都喺门口等咗大约20分钟，等人食完我先可以入去，呢间餐厅门口系有一级，轮椅人士如果要入去食嘅话，记得要自备斜板！1.安格斯温泉蛋虾籽捞面$89+笼仔巨鱼蛋$18+奶盖芝士红豆冰$18（9/10）呢个安格斯温泉蛋虾籽捞面个份量都几多，安格斯牛肉唔会韧，大约都有10片安格斯牛肉，温泉蛋同虾籽捞住面食都几特别，捞面上面劲多虾籽，味道唔咸，仲有3旧墨鱼饼，都几好味！套餐加个笼仔巨鱼蛋只需$18，平咗$10，巨鱼蛋有4粒，每粒鱼蛋都好爽口弹牙，正！套餐加饮品仲可以半价，我拣咗奶盖芝士红豆冰，那个芝士唔会好香浓，粒粒红豆都煮熟哂，成杯红豆冰唔会好甜，唔错！2.极上肥牛酸辣金汤米粉（中份）（大辣）$54+冻当地柠檬水$12（8.5/10）呢碗极上肥牛酸辣金汤米粉拣咗中份嘅份量，中份份量都几多，辣度拣咗大辣，唔算好辣，入面肥牛大约有5块肥牛，仲有其他配料有半只鸡蛋、豆卜、生菜、芽菜同酸菜等，酸酸辣辣好唔错！套餐加饮品仲可以半价，我拣咗冻柠檬水，柠檬得两片，无咩柠檬味！2人总共价钱$