影片
更多
2022-11-24
301 浏览
最近食过印象深刻嘅餐厅，便是主打铁板烧嘅板神。餐厅喺香港设有三间分店，呢次到访位于铜锣湾占地一万四千平方呎嘅旗舰店，规模超夸张，装潢有种低调嘅奢华感。然而喺呢个环境下用餐价钱却完全唔贵，新推出嘅秋日自选晚餐都只系$980位就可以享用有海鲜有牛嘅丰富套餐，嘢食好味又可以欣赏师傅嘅功架，真系非常值得推介✨• 秋日自选晚餐 $980/位前菜三点有银杏、柿干忌廉芝士最中饼同无花果牛油果慕丝，摆盘好精致，还有鸡胸肉沙律，一啲都唔马虎！第一款海鲜可以拣西班牙红虾或者北寄贝。净系有得拣红虾呢点已经值回票价！红虾煎香后肉质好嫩，配以红虾膏煮成嘅极浓郁酱汁，细心咁配搭咗两片多士用嚟点个汁食，每滴精华都奶得干干净净。北寄贝相对嚟讲就冇咁浓味，偏向清甜𠮶type，新鲜爽口，加入海苔清汤引出鲜甜🫶🏻第二款海鲜就可以拣龙虾或者南非鲍鱼。无论龙虾定鲍鱼都系新鲜度极高，上到台面仲识郁！难得地鲍鱼可以做到咁香口，好重海水味同牛油味，入口好Q弹，几有Surprise！至于龙虾个酱汁都好惹味，比起红虾肉质再爽身一啲😽嚟到肉类环节，小编同友人都爱食牛，不过想试多啲嘢最后都系拣咗牛同猪各一。美国牛肉薄烧以薄片牛肉卷住葱花蒜片
• 秋日自选晚餐 $980/位
前菜三点有银杏、柿干忌廉芝士最中饼同无花果牛油果慕丝，摆盘好精致，还有鸡胸肉沙律，一啲都唔马虎！
第一款海鲜可以拣西班牙红虾或者北寄贝。净系有得拣红虾呢点已经值回票价！红虾煎香后肉质好嫩，配以红虾膏煮成嘅极浓郁酱汁，细心咁配搭咗两片多士用嚟点个汁食，每滴精华都奶得干干净净。北寄贝相对嚟讲就冇咁浓味，偏向清甜𠮶type，新鲜爽口，加入海苔清汤引出鲜甜🫶🏻
第二款海鲜就可以拣龙虾或者南非鲍鱼。无论龙虾定鲍鱼都系新鲜度极高，上到台面仲识郁！难得地鲍鱼可以做到咁香口，好重海水味同牛油味，入口好Q弹，几有Surprise！至于龙虾个酱汁都好惹味，比起红虾肉质再爽身一啲😽
嚟到肉类环节，小编同友人都爱食牛，不过想试多啲嘢最后都系拣咗牛同猪各一。美国牛肉薄烧以薄片牛肉卷住葱花蒜片，香气十足。至于猪肉version嘅做法就系先炒香猪肉再以春卷皮包里煎香，食落外脆内软，两者都各有特色，试匀晒唔会后悔🧡
主角食完，仲有镬气十足嘅炒饭。铁板温度够，饭粒炒至干身粒粒分明，加入小鱼干及高菜令味道唔会单调。甜品有餐厅隐藏菜单焦糖多士，非常香脆带浓浓焦糖香气，沾点雪糕又系另一番风，真系好满足🥰
• 帆立贝 +$100
想食得丰富啲，可以再追加食材。帆立贝煎至两面金黄，简单调味已经好美味👯♀️
• 日本产牡蛎 +$100
大大只生蚝煎到外层少少脆口，蚝味突出，配搭炒香咗嘅烟肉非常合衬，爱蚝人士绝对不能错过😚
• 鹅肝 +$100
以Mini burger夹住超肥美鹅肝，一咬油香瞬即喺口腔中爆发🤤🤤
• 日本牛肉厚烧 +$330
使用熊本A5和牛，油花纹路均匀，𠮶份油香令人一试难忘，幸福感爆灯🥰
张贴
