丸目背脂煮干

营业中

休息中

以重口味见称嘅丸目背脂煮干拉面系日本过江龙拉面店， 虽然汤底浓厚味重，但唔系死咸，份量唔多已经好饱。款式亦好多选择， 有拉面，沾面及油面。今次试左特盛海老辛酱背脂煮干沾面及丸目BLACK（黑椒汤）拉面。2款拉面试左3款唔同嘅豚肉。极推沾面， 沾面汤入面有五花腩叉烧，汤头表面盖著浓厚的猪背脂油，用大量沙丁鱼煮干做汤底，睇落好似好油， 食落又唔觉， 反而令拉面更加顺滑， 面另外有2片好似火腿质感嘅叉烧， 煎到咸咸香香，味玉煮得刚刚好， 入口即溶同拉面好夹。 2款拉面面底亦都唔同，配料可以逐款加配， 仲可以配拉面加饭， 如果大食嘅朋友可以加饭， 沾面汁配饭一流～通常拉面店都有一款黑蒜油，但呢间系黑椒汤， 黑椒味好重，豚腩片卖相似肥牛，经过腌制有种甜味，面底比沾面更加粗， 挂汁力强。食拉面配汽水至系爽，铺头饮品类似都唔少，拣左静冈绿茶可乐&静冈蜜瓜梳打，卖相好似飞左去日本食拉面咁。