皇后冰室 (已結業)

近来红磡一带新开好几间食店，是晚放工同附近住既友人一齐试皇后冰室铺内格局比茶记高级少少，灯光稍为昏暗，枱面有瓷砖装饰，几特别。Set Dinner有十几款，扒类、意粉、饭都有，几多选择。叫咗份黑松露野菌大虾蛋包饭，友人则叫烧春鸡配意粉。全部套餐都包餐汤、蒜蓉包同饮品。餐汤正常味道，蒜蓉包蒜蓉味足够但焗得唔够脆（可能放到淋咗 ）。饮完汤无几耐就上主菜喇！卖相非常吸引，一上枱就闻到好香黑松露味，份量亦唔少食落口，原来仲有好香同creamy既野菌忌廉汁虽然忌廉汁同黑松露都系好重味道既野，但唔会互相抢味，仲好夹添不过所谓「大虾」其实系普通虾仁，有少少货不对办㖞。另外蛋包饭其实系蛋皮铺饭，好彩蛋煮得尚算滑，而且有惹味既汁搭够，收货啦。友人既烧春鸡，份量一样唔少！冇试食到，但友人话好食，而且够多菜，都值得推介咁㖞。下次有机会试吓其他餐先！