泓一拉麵

营业中

休息中

今次再试呢间鸡白汤名店！原来太子都开咗间新分店，要试试佢🍜香港越嚟越多鸡白汤拉面，好多都借个名嚟卖到贵一贵，求其打啲泡落去就算。但呢间泓一算系非常足料 真材实料煮个汤出嚟！值得一试😋不过平日晚都好多人排队，记得要早啲去！！-🍜豚x鸡 白汤拉面 $105汤底系好靓好浓既奶白色🤤入口非常creamy浓厚，有好清既鸡汤味！！仲有就系入面落咗好多洋葱，完全可以升华到个味！面底啱啱好 弹牙入味！🫶🏻 鸡肉软熟唔鞋，仲有只靓靓糖心蛋添！🤣打卡同食都一流啊！不过creamy既汤食完都几滞同饱🤣食完要消化下🍜地鸡酱油拉面 $108另一款就试吓同样招牌既酱油拉面！🥰呢个汤底比较清爽唔腻，咸咸地非常开胃，又唔会过咸！汤入面同样放咗好多葱同洋葱 好完美咁提升咗口感同味道🥹个人觉得唔差过鸡白汤！🫶🏻-🥤葡萄梳打汽水🥤柚子梳打汽水系日本既支装汽水啊！觉得同一般汽水比冇咁死甜，饮完成支都唔会好口干/涩