雪山冰廳

营业中

休息中

星期日晏就黎到呢头买野，想食茶记常餐，见最近系呢间就黎食。估唔到有咁多人，已有几个排队等位，等左大约十五分钟左右就有位入。入面光鲜白色为主，仲有一大幅画，大约都有五六十个位。姐姐落单做野好快手又搞笑，最钟意呢啲人情味，上菜快。食物高质，味道浓味又足料，今次两人叫左三样野食加两杯饮品，平均每人$70。雪山常餐(1) $44火腿炒蛋，炒蛋大份，火腿正常有两块。个厚多士系丹麦包黎，奶油香浓又酥脆，好好味。而个沙嗲牛面，个汤唔系得个香，食落都好浓味。樽仔奶茶 (跟餐) +$9入口滑口，后有茶嘅甘味，难怪系招牌之一。避风塘炸蒜鸡髀 $28大排档风味令炸鸡髀味道升华，外脆内嫩，仲几大块下。香葱碎牛肉炒蛋三文治 $28馅料都几多，味道岩岩好，唔会好咸，加左葱反而仲多左种清新感觉。华田曲奇妙趣 $25华田好浓好浓，仲有粒粒朱古力，再加Cream，变到好香好滑， 好邪恶嘅饮品。