影片
更多
2023-07-17
1542 浏览
上次去骆驼漆嘅时候经过一间饺子店见到入面都好多人，所以今次带个好钟意食饺子嘅朋友陪我去食下！入到去见到都好光猛，位置都算系宽敞嘅本身七点钟入到嘅时候都唔算好多人，一点完餐食一阵就好似满座了。点餐方面都系用QR code，咁就可以慢慢拣嘢食，分别同朋友拣咗煎饺同埋汤饺。附上嘅菜脯都系非常爽口，如果有唔辣嘅菜脯就更加好啦！叫咗个鸡丝粉皮，份量好大碗，鸡丝同粉皮份量均匀，仲落咗好多芝麻酱调味添。整体嚟讲鸡丝粉皮清新惹味，鸡肉唔会煮得好老，反而有肉汁，肉质鲜嫩。青瓜丝亦都清爽鲜甜。粉皮口感好烟靭，但捞匀芝麻酱同醋之后，就吸收咗芝麻酱同醋嘅味道，食落带来一阵浓郁嘅芝麻香同酸味，唔会话有种肥腻感。 先上汤饺，我就叫咗京葱猪肉饺同蒜芯鲜虾猪肉两款，都系加多少少钱就可以双拼，另外汤底方面我就再加钱要咗蕃茄汤，蕃茄汤入面都好足料，除咗真系见到番茄粒之外，仲见到红萝卜，薯仔粒等等，佢好好咁样切到一粒，所以饮落去就唔使系咁咬啦，饮落去好鲜甜。然后再讲讲饺子，饺子嘅尺寸全部都好大嚿，差唔多成只「汤壳」咁大。京葱饺肉味好浓郁，而且京葱嘅口感爽口，食落去就丰富咗成个饺子嘅口感。另外蒜芯鲜虾猪肉鲜虾都非常大旧爽口，
叫咗个鸡丝粉皮，份量好大碗，鸡丝同粉皮份量均匀，仲落咗好多芝麻酱调味添。整体嚟讲鸡丝粉皮清新惹味，鸡肉唔会煮得好老，反而有肉汁，肉质鲜嫩。青瓜丝亦都清爽鲜甜。粉皮口感好烟靭，但捞匀芝麻酱同醋之后，就吸收咗芝麻酱同醋嘅味道，食落带来一阵浓郁嘅芝麻香同酸味，唔会话有种肥腻感。
先上汤饺，我就叫咗京葱猪肉饺同蒜芯鲜虾猪肉两款，都系加多少少钱就可以双拼，另外汤底方面我就再加钱要咗蕃茄汤，蕃茄汤入面都好足料，除咗真系见到番茄粒之外，仲见到红萝卜，薯仔粒等等，佢好好咁样切到一粒，所以饮落去就唔使系咁咬啦，饮落去好鲜甜。然后再讲讲饺子，饺子嘅尺寸全部都好大嚿，差唔多成只「汤壳」咁大。京葱饺肉味好浓郁，而且京葱嘅口感爽口，食落去就丰富咗成个饺子嘅口感。另外蒜芯鲜虾猪肉鲜虾都非常大旧爽口，唔会话梅晒，入面蒜芯嘅份量都好多食落去小小嘅蒜味，爽口得嚟又唔会好似成个蒜头咁样第二日个口腔仲有阵蒜头嘅味道，真系好好呀！
煎饺都系双拼餐，每款有五只，每只都好大只，猪肉一样肉嫩多汁，唔会话因为煎得太耐而干晒，外皮香脆唔油腻。叫咗黑松露芝士猪肉饺同蘑菇烟肉芝士猪肉饺。
味道方面，黑松露芝士猪肉饺黑松露味道浓郁，咬开之后香气扑鼻，芝士仲可以拉丝。芝士咸香味亦唔会过重cover咗黑松露嘅味道，同时为猪肉馅增加风味，令猪肉嘅味道更浓郁，见到饺子入面都有好多黑松露喺度，真系好足料。蘑菇烟肉芝士猪肉饺嘅唔同之处系加咗蘑菇同烟肉，咬开之后嘅味道就好似食卡邦尼意粉一样，咸香味更重，口感浓稠，火腿口感偏向烟韧，整体口感偏向柔滑，味道丰富。煎饺配咗上海面，入边嘅汤底拣咗猪骨汤，猪骨汤味道清甜，唔会有腥味，口感清新。上海面面线偏粗壮，唔会太淋，反而有少少咬口，用嚟𩠌饺子一流。
叫咗佢嘅樽装柠檬茶，非常够冻，消暑一流！见到佢有生嘅饺子卖，可以下次早啲预订定买返屋企食！
张贴
