拉麵台風 (已搬遷) 新店位置

朋友好钟食拉面，介绍我一定要来荃湾食呢间台风。舖面唔大，得好少位，但好抢眼系黄色外墙。周日下午来到，有5-6个人等紧位，都排左大概15分钟先有位。我同友人分别哎左期间限定的黑色暴雨拉面&1号鱼介猪骨汤拉面。要赞下个拉面好多料，超肚饿来真系正！我们拣左浓汤，个汤底好厚好浓，个人觉得黑色暴雨拉面的比1号猪骨好食，超like咁浓的黑蒜味，不过就唔太觉有芝麻同辣。配料荀一般，觉得唔够新鲜。叉烧同蛋正常，不是太出色。但汤底我比8分！所以会再来帮衬，不过下次会哎番正常汤底，浓味食完有d咸，整日好口喝。下次想试沾面，见好多人食。