豚王 (已搬遷) 新店位置

近来迷上食拉面，6点半同qq出黎食神虎点知劲早就卖哂，谂住去食魂星期日唔开，真系好灰。我地两台死死气气去左食豚王。去到排队排到对面街幸舍门口，佢地唔洗排右上食评唔错，好饿既我好有冲动入去，但qqbb想食豚王多d，唯有唔反抗乖乖排队啦。排队果时工作人员俾左纸我地落单先。等左8个字左右，我地终于可以入去啦，我叫左豚王配腩肉，qqbb食黑王配肩肉。另加温泉蛋。佢地俾左杯唔系好冻既冰水，岩哂呢个天时。好快就有得食啦。个汤真系好浓，有猪味，旧肉好大块，不过肩肉好咪好多！qqbb果碗好黑好邪恶，好香麻味，我系咁不佢d汤食 佢话个面真系细左d，但系都ok，因为我地有下场呀嘛。个蛋怪怪的，同日本果d完全唔同！呢只蛋系甜的！连蛋白都甜甜地！个黄有d假假地既feel，我地竟然咁大意一下叫左两只，唯有点面食算啦。我地对面坐左个内地人同外国人，个内地人唔知赤王系辣既，一上面就好惊讶，店员好好，话唔洗钱帮佢换，佢无换到试下食先，店员又俾碗仔佢不开同唔洗钱帮佢地加白汤，服务非常好，但系佢地唔识讲普通话。食到尾声，我地都发现愈食愈浓，都顶唔住啦，原来唔系浓就好味架！