胡爐 (已結業)

再一次嚟到胡爐晚膳。今日店家推薦濃湯花膠雞鍋，啱晒我。湯底真係好正，不自覺飲咁兩碗。入面都有唔少花膠，煲到啱啱好。雞件都好夠份量，仲保持到滑度。火鍋必點嘅牛，點咗牛併盤，入面有埋我喜歡嘅牛胸爽，正。仲有安格斯牛肉粒，牛舌，牛頸脊。丸類併盤有香芹牛丸，香蔥鯪魚球丸，梅菜豬肉丸，墨魚丸。當中梅菜豬肉丸最出色。餃類併盤有鮮蝦雲吞，鮮蝦水餃，黑松露餃，韮菜豬肉餃。黑松露餃比較易熟，大家要注意火喉。韮菜餃好香。