座銀

营业中

休息中

原本同哥哥谂住去试跑马地新开间意式薄饼屋，点知餐厅午市冇开，结果就走咗过对面马路间「座银」食日式鸡面。店子木造嘅门面、灯箱招牌、红色布帘及零星嘅摆设都散发著和风气息。当中最可爱嘅小肥鸡足以代表面店嘅命脉食材。衬托埋天花嘅波波吊饰仲好有时代感。中午时份，中央围绕著开放式厨房嘅高櫈吧位早已坐满食客。日中对照嘅彩图餐牌共有八页，清楚道出品牌嘅根源及主打鸡面嘅精髓，可选嘅项目却只有六款，而且冇列出饮品。哥哥点咗碗海鲜鸡拉面（$138）。另配一只棵木烟熏糖芯蛋（$15）。最终因觉一碗拉面唔系几够饱，所以就加多碗牛蒡鸡肉饭（$48）。鸡白汤拉面（$138）：每客拉面均连筷子、匙羮、围裙以托盘呈上。拉面面条软韧适中，炸至金黄且卷成花艺般嘅牛蒡条条则清新香脆。起哂泡泡嘅汤底色泽犹如𩠌名般白雪雪，饮落真系好似咖啡咁柔滑，不过小肥只系略嫌其味道唔系几够香甜兼溜滞咗少少。最失败就系两片干干嚡嚡嘅鸡胸肉同叉烧，挂喺碗边嘅形态不禁令细佬谂起黑白无常𠮶条脷，外观绝对有影响到食欲啰！座银炸鸡（$48）：炸鸡上枱时，服务生体贴地提点鸡件刚刚炸出，要小心睇热。热辣辣嘅炸鸡皮层香脆，肉质厚润，干巧唔油腻，比拉面𠮶片慢煮鸡