蕃滿門

营业中

休息中

呢间餐厅见到个舖头名都知道主打嘅系蕃茄类别嘅食物，餐牌喺上面有唔同嘅蕃茄汤面同埋焗蕃茄饭。价钱就系一般茶餐厅咁嘅价位，算系合理。当日同朋友点咗一碗大嘅蕃茄面，系二人份量，汤面有齐唔同嘅𩠌菜，可以样样都去试啲，而且咁样share食比起每人嗌一碗嘅价钱更加便宜。蕃茄汤底可以选择大中小辣，当日就点咗小辣，辣味唔算太强。但辣味同埋蕃茄汤底嘅配合非常适中，喜欢食辣嘅朋友可以试一试点中辣哦。至于粉方面亦都提供唔同嘅粉面可以选择，包括长意粉，螺丝粉，米线等等。当日就点咗螺丝粉，食起上嚟每一啖都可以索到更多嘅汤汁。𩠌菜方面，有一般嘅丸类同埋牛腩，另外亦都再可以自选三个𩠌，当日就拣咗鸡软骨饺子同埋鸡翼等等，份量足够两个人食有多。𩠌菜味道就普通，但性价比算高。呢碗粉跟餐包饮品，嗌咗泡沫柠檬茶，比起普通柠檬茶嘅味道有些微分别。大家可以试一试。