神虎麺商店

营业中

休息中

今日放工就想去食野，一个人而且屋企人无煮饭：咁就谂要食啲咩嘢。突然之间好耐无食拉面，所以去揾下有咩拉面店未食过。上网见到有间铺头系关西嘅拉面，咁就决定去呢间餐厅。餐牌我望下个餐牌，见到有6 款主打拉面。本身我想叫赤虎，之后我问一问个待应姐姐：系咪好辣？.....佢话大约系中辣程度，所以转食海老虎拉面。食物海老虎拉面上菜嘅时侯,系有烟出。都几热。眼睇有嘅材料有樱花虾、肉丸、木耳、红洋葱，当然有主角叉烧啦。汤底颜色都几浓灯色，我第一啖食肉丸，好弹牙而且好猪肉本身嘅肉味。叉烧好大块而且无咩脂肪,食落去好淋，面质比较圆身，而且都几挂汁。汤就猪肉味浓，但饮落去不油腻。樱花虾有鲜香味而不腥。饺子饺子一份五件。外皮好薄，好似用牛油纸包住：肉眼就咁睇都睇到里面嘅馅料。食落去时候饺子里面有好香猪肉味，而且好多肉汁。服务本人都系诸多要求，先问个侍应赤虎系咪好辣？当然个侍应都答得。临走嘅时候，个日本师傅同其他嘅侍应都会讲「ありがとうございます😊」可见佢地客人嘅服务态度系好好。所以我亦回态一句「おおきに！」呢句大阪回应。