神虎麺商店

营业中

休息中

浓而不咸拉面@湾仔拉面店喺利东街过一条街，系喺大阪过嚟嘅过江龙，连大陆都有分店，好似好厉害！师傅见我影相仲望哂镜头咁（仲讲哂日文打招呼），好热情 细节位都 feel 到好日本，例如每枱嘅冰水都够哂冻，仲有淡淡嘅柠檬味，连湿纸巾都有唔同颜色同埋好柔韧～价钱同坊间嘅拉面店差不多，「精选配料」都几正，好似加个 combo 咁。$32 就有溏心蛋、豚腩肉加其他配料，真系好抵，所以加咗一个试试店员介绍个神虎饺子系每朝早包㗎，包得好饱满，唔怪得肉汁爆棚！食𠮶时真系要小心热，因为真系好多汁 个底都煎得好靓～桃味梳打汽水系日本饮品，实好饮㗎啦，哈哈！桃味甜得嚟唔渴喉。特别啲嘅仲有波子汽水同绿茶可乐，之前饮过绿茶可乐都唔错，真系有啲茶味咁㗎，但又有气㖞。拉面嘅基底都系豚骨汤底，一碗拣咗海老虎（虾味），一碗就拣咗黑虎（黑蒜味），两款都系浓味得嚟唔死咸！黑虎汤底味道好浓厚，可以见到啲黑蒜，同得一浸黑蒜油嘅拉面好唔同。就算无加精选配料都会有猪肉丸、叉烧（豚肩肉）、笋同木耳，𠮶两粒猪肉丸应该都系新鲜打，好弹牙，真系劲好食！极叉烧（豚腩肉）系厚啲𠮶块，另外两块系叉烧（豚肩肉），厚薄都系用咗西班牙猪肉，口感好嫩滑！