魚眾不同酸菜魚 (馬鞍山中心)

营业中

休息中

鱼众不同终于开左黎马鞍山，之前系启德食过lunch觉得唔错，今日就去马鞍山回味一翻。其实系lunch time，但想食得满足啲，所以叫左个二至四人份量嘅青花椒酸菜鱼，一大盘鱼，然后可以加一人一碗饭/米线。酸菜鱼好多！稍有碎骨，整体都系滑同好味嘅，成个盘入面仲有好多料，宽薯粉莴笋薯仔金菇豆腐皮，唔洗食个饭都会好饱。个酸菜汤十分唔错，系面头啲油好多，不过系要多油先可以keep住个温度。预左有味精，但食完又反而唔觉好口干。见到隔篱枱叫左口水鸡，望落好正，所以叫左，点知劲伏。啲碎骨多到一个点，虽然个口水鸡味做得唔差，但太多骨，扣左好多分，奉劝各位唔好俾佢外表呃咗。