醉鮮靚湯特色粉麵

营业中

休息中

呢度系以醉鸡出名，食饭时间都真系几多人等位架，要食佢都唔容易。- 醉鲜牛肉醉鲜面除左醉鸡，呢度仲有醉鲜牛。牛肉一入口有几重既花雕味，都几嫩滑，不过唔算好多件。其实佢同鱼汤都几夹，大家都系较清，同埋都系食佢既鲜味。呢度标榜无味精，饮下饮下都饮左几多鱼汤。另外要介绍埋佢嘅醉鲜面，店员话佢系较粗身同弹牙既面，我食完就觉得其实系似台湾嘅新竹米粉。呢个面都几吸汤汁，衬个鱼汤好岩。- 牛筋腩面我地仲叫咗牛筋腩，呢个都几好，因为佢炆到好香好淋同埋唔会太咸。呢个配料真系要介绍，系虾皮。放佢落鱼汤会令个层次提升左，多左咸咸鲜鲜既味道。不过唔好放太多，如果唔系会抢走鱼汤既淡淡鲜味。除咗今日食既醉牛醉鸡，呢度仲有醉猪手同埋胡椒汤底，下次黎可以一试。总括嚟讲呢间餐厅质素都ok，同埋款式比较多，不过就系份量较少，不然性价比就更高了。