博多拉麵別天神 (已結業)

别天神拉面既拉面出名！ 今次就同朋友一齐食， 分别叫咗两份套餐！一款系猪骨汤底拉面， 另一款系 虾味噌拉面！ 一份要咗饺子一份要咗小龙虾蟹子沙律！先讲虾味噌拉面， 樱花虾鲜味十足， 超级浓郁强嘅汤底， 汤底嘅精华完全渗入拉面当中！ 拉面面质烟韧又弹口！煮得刚好！ 温泉蛋超级流心！ 蛋味香浓又滑！ 叉烧亦都非常嫩淋， 两大片厚切 又唔干身！几好食。猪骨汤底亦都做得好好， 唔会食完面之后口渴， 想浓味啲嘅话，可以再加蒜蓉，辣芽菜，味道更加丰富！小龙虾蟹籽沙律蓉，配上紫草，口感非常又带鲜甜味！还有饺子，煎到外脆内软，仲 keep到肉汁。