至尊雲吞麵雞煲

营业中

休息中

今日同屋企人嚟湿地公园行，见附近有间唔错嘅餐厅就嚟食个港式下午茶😛香煎鸡扒公仔面已调味嘅鸡肉经过香煎，保持住外酥内嫩嘅口感，公仔面煮得软滑，附上生菜更健康。烟肉煎蛋烟肉煎得脆而香，咬落咯咯声，肥肉部分已经煎哂啲油出黎，食落唔会油腻，太阳蛋整得啱啱好，蛋白熟蛋黄仍然流心，一齐食既有烟肉既咸香又有蛋香，系个丰富嘅下午茶配搭之选。脆薯饼外酥内软嘅口感，薯仔嘅香气扑鼻，一上到枱已经想即刻先食。即叫即炸嘅感觉明显，唔系炸完放咗喺度好耐嘅口感，不错不错👍奶油猪搭配牛油同炼奶酱，个包经烘干后十分脆香，咬落去连旁边人都听到有几脆。奶油猪绝对系香港必食嘅茶餐小食之选，未食过嘅朋友我都推介试试😋柠檬红茶红茶浓郁嘅茶香，清新即切柠檬酸爽，唔会太甜又饮到港式风格柠茶。