影片
更多
2022-05-17
61 浏览
自从转咗工之后真系好耐冇见过我呢位好🐢🍯，今日终于就到时间一齐做facial，一齐食晚餐，再去行下海傍，所以近近地就去左海运大厦揾食。好耐冇食过紫菜包饭，可能我哋太夜嚟到，冇得试佢个鳗鱼紫菜包饭，于是就拣咗个传统紫菜包饭，但系因为我唔食牛肉，所以会将啲牛肉撩返出嚟，但系我估唔到嘅系就算冇左牛肉，旧紫菜包饭都咁好味。另外我哋就拣咗个泡菜五花肉蛋包饭，就咁睇佢嘅外表净系见到泡菜。但其实佢将啲五花肉收埋咗喺泡菜入面，估唔到嘅系啲五花肉真系好林，加埋啲泡菜都几惹味。职员知道我哋其中一个唔食牛肉，都好细心地将牛肉炒饭底转咗做白饭俾我哋，个白饭配埋泡菜同埋滑蛋都一样咁好味。另外我觉得今晚胜出嘅系呢个柑橘炸鸡，除咗佢个汁酸酸甜甜，好开胃。最重要系佢啲炸鸡真系好Juicy，啲粉一啲都唔厚，真系好好味。甜品方面我哋贪得意叫咗个水果忌廉三文治，但系其实我哋已经好饱，佢个三文治啲水果都好甜，但系其实呢个甜品都几饱肚。另外因为我哋两个都好钟意食士多啤梨，所以眼阔肚窄地拣埋个士多啤梨提拉米苏，甜度刚刚好，加埋酸酸甜甜士多啤梨，确实会掳获做不少少女心。饮品方面见到台台都叫呢个橘子乳酪，所以我哋都叫咗嚟试吓。佢系用
好耐冇食过紫菜包饭，可能我哋太夜嚟到，冇得试佢个鳗鱼紫菜包饭，于是就拣咗个传统紫菜包饭，但系因为我唔食牛肉，所以会将啲牛肉撩返出嚟，但系我估唔到嘅系就算冇左牛肉，旧紫菜包饭都咁好味。
另外我哋就拣咗个泡菜五花肉蛋包饭，就咁睇佢嘅外表净系见到泡菜。
但其实佢将啲五花肉收埋咗喺泡菜入面，估唔到嘅系啲五花肉真系好林，加埋啲泡菜都几惹味。
职员知道我哋其中一个唔食牛肉，都好细心地将牛肉炒饭底转咗做白饭俾我哋，个白饭配埋泡菜同埋滑蛋都一样咁好味。
另外我觉得今晚胜出嘅系呢个柑橘炸鸡，除咗佢个汁酸酸甜甜，好开胃。
最重要系佢啲炸鸡真系好Juicy，啲粉一啲都唔厚，真系好好味。
甜品方面我哋贪得意叫咗个水果忌廉三文治，但系其实我哋已经好饱，佢个三文治啲水果都好甜，但系其实呢个甜品都几饱肚。
另外因为我哋两个都好钟意食士多啤梨，所以眼阔肚窄地拣埋个士多啤梨提拉米苏，甜度刚刚好，加埋酸酸甜甜士多啤梨，确实会掳获做不少少女心。
饮品方面见到台台都叫呢个橘子乳酪，所以我哋都叫咗嚟试吓。佢系用新鲜济州柑橘现榨，所以好健康，唔会太甜，岩岩好。
而我自己就叫咗个热情金菠萝沙冰，我估唔到嘅系原来呢杯嘢系紫色，但系未到出奇地好，只系我误会佢有加热情果，所以没有我想像中嘅甜酸感觉。
张贴
