濠客蒸氣海鮮 (已結業)

元朗鸡地不嬲都多美食，今日同屋企人出嚟食饭，佢哋非常钟意食海鲜，唔想去酒楼，所以就带咗佢哋呢濠客蒸海鲜到食靓海鲜啦！以咁多海鲜黎讲，呢个价钱绝对合理！尤其系每样海鲜都好新鲜！黄金套餐 奄蟹仔嘅膏都劲多！蒸熟咗就更加吸引啦！啲精华滴哂落去啲粥到！超期待煲粥！呢只膏蟹未蒸熟都已经超吸引！啲膏多到爆出黎！蒸熟咗超吸睛！老豆都忍唔住哗咗一声！啲膏好香好实，劲新鲜！厨师好好咁帮我地分开咗蟹壳同蟹身，好易食！蒸龙虾肉质结实！鲜甜！加少少鼓油已经超好味！各种贝壳类海鲜蛏子好甜呀！ 象拔蚌好味到连唔钟意海鲜嘅男朋友都赞不绝口呀！元贝熟成度啱啱好，侍应一站式服务，连时间都控制得好好唔会浪费咗食物嘅新鲜美味！海虾其实都好好味，好弹牙，不过比起其他海鲜真系被比下去了收尾仲有蔬菜篮！奇怪嘅系其他餐厅对最后上嘅蔬菜唔会太在意，但呢间嘅蔬菜真系样样都新鲜，好味！抢住黎食绍菜！最后重头戏系瑶柱南瓜粥，所有海鲜嘅精华都跌晒落煲粥到，唔使加调味已经正到晕呢间值得冇屋企人去食！每蒸一样野都好似有惊喜咁，又唔担心啲海鲜熟得济！正过去酒家食！