濠客蒸氣海鮮 (已結業)

今日天气好好约左朋友去元朗行山，行完就梗系揾啲好嘢食下啦，之前听朋友讲过有间蒸气海鲜好好食，今日一于去试吓先！ 因为早到嘅关系所以唔使等位超正，咁即刻问吓老板娘有咩正嘢啦今日，佢就介绍咗个黄金套餐俾我哋，咁就一于听佢话试吓呢个啦！ 海鲜嚟到之后一睇份量好足好大只，全部都好新鲜，一睇就知老板娘冇介绍错每一样海鲜姐姐都会帮我地手整好晒搞啱晒时间嚟食，抵赞 龙虾仔好大只，啲肉好嫰好滑完全唔鞋，啲膏仲多到爆晒出嚟 象拔蚌仔超级好食，啲肉质又滑又嫰，完全食到啲鲜味 跟住到北海道元贝，鲍鱼仔同埋海虾，真系高潮一浪接一浪，真系每一样都咁好食，全部都好新鲜好甜，完全冇令我失望！ 跟住就到我最钟意食嘅蟹，净系睇相都见到佢几多膏啦，肉质先到不得了，不过就略嫌细只左唔够喉 最后食埋啲蔬菜就食个粥底，本身个粥底加咗瑶柱同埋南瓜落去煲，加埋啲海鲜汁真系冇得顶，又绵又香又鲜，本身好爆都忍唔住食晒啲粥！ 今次朋友真系冇介绍错，下次黎开元朗一定再嚟开餐！