松屋日本料理 (已結業)

上星期六我同两个朋友谂住去旺角食放题，当时我地仲未决定去边间食，谂住去到先拣。去到兆万中心，误打误撞上左11楼，见唔洗等位，于是就问企门口嘅店员点样收费。佢最初同我地讲每人$199，再减$20，我地见价钱尚可，正谂住入去之际我突然记起佢冇同我地讲过收唔收加一，于是我就问佢。佢话要收加一，跟住我地见有D贵，正准备转身走，呢个时候个店员就主动提出唔收加一，仲话得返一张空枱，唔想再揾客咁麻烦，平少少俾我地咁话。于是我地就满心欢喜入左去，点知原来已经中左伏。去到埋单，我地见张单照收加一，就走去同企门口𠮶个店员系咪打错左张单，点知佢即刻反口话冇讲过免加一。但系我地三个明明都听得好清楚佢有咁样讲过，喺再追问之下佢竟然话免收加一嘅意思系减$20呢个优惠就相当于免加一一样。我地当然唔会接受佢咁样嘅解释，喺争辩其间佢竟然以粗口辱骂我地。喺各执一词嘅情况下，再加上我地冇证据在手，最后唯有埋单后愤而离开。食物种类不足，而且好多野食都叫左冇黎，再三催促先知道原来已经卖晒。刺身唔够冻，三文鱼好多根，同埋灰灰黑黑，感觉极唔新鲜。 炸物极多油，炸得太夸张。 串烧一般，太过咸。环境方面，好似冇开冷气咁，劲焗促，食得都