芽莊越式料理

营业中

休息中

喺MOKO行行吓有啲肚饿，就去芽庄唞一唞。🐂河内生牛肉粉⭐️⭐️⭐️⭐️汤底唔错，九层塔同洋葱份量都多，所以成碗汤都几香。牛肉份量都算多，几爽口。整体属于预期水平。（卖相唔特别，又行到太攰，忘了影相🫡）🐖滨海伴慢煮五花腩⭐️⭐️⭐️⭐️⭐️呢碟好有惊喜，大推介。猪腩肉半肥瘦，烧得好香。面头少少焦脆，中间保留到肉汁，中和肥膏部份。肉质嫩滑，睇返Menu，原来系用纯素谷饲猪腩，唔怪得咁好食。虽然有啲邪恶，但我真系会为呢度菜再返嚟。滨海，已经分开了一楷楷，食落几方便，又唔太油腻，配合埋爆香咗嘅葱、蒜、葱油花生，滋味啊！佢越南香叶菜都唔少，夹埋猪腩肉、滨海一齐食，清新得来好滋味，香、脆、爽、绵结合，超正。