瀛喜日本料理 (已結業)

难得放假想食下啲好嘢，再食茶餐厅真系会对唔住自己个胃，周围问下同事有咩好介绍，结果佢地都推荐我要试下元朗嘅灜喜，又平又抵食咁话。到步唔怕揾唔到，因为有好大好出位嘅招牌，而且地点好方便，唔怕系山旮旯要揾好奈。见到餐牌有咁多嘢食真系好惊喜，基本嘅刺身熟食乜都有，而我最中意嘅就系「一品料理」嘅地狱蒜心炒鸡肾，食落辣辣地，鸡肾又爽口，真系好开胃。同埋烧粟米系劲香口，又清甜，我系食唔停口呀！食放题唔一定要狂嗌刺身嘅～不过讲到刺身，不得不提三文鱼，因为刺身类我最喜欢就系食三文鱼，而灜喜嘅三文鱼厚度适中，唔会太薄，仲要系挪威空运返黎，质素有一定保证！仲有甜虾虎虾都系我最爱，真系好鲜美，望落啲肉系晶莹剔透，食落更加系入口即融，去哩间放题一定要食呀！佢哩度除咗普通嘅汽水饮料之外，仲有得叫韩国啤酒，又几得意，用黎送啲烧嘅熟食同炸物系一流！哩间铺质素真系几好，店入面嘅装饰都好得意，系充满日本风情嘅挂画。下次带埋屋企人再战先！