La Moo Moo' s Steak and Fries

营业中

休息中

头盘系一个磨菇汤，嚟到已经有阵阵嘅磨菇味，满满嘅磨菇碎系汤底，令成个汤都锁实晒个味道。跟住系醒胃嘅凯刹沙律，呢个沙律拍得住五星级酒店嘅质素，红菜同绿菜嘅比例啱啱好，芝士碎同蒜茸面包碎永远都系咁夹，食落都好爽。跟住系芝士薯茸，伴随着嘅热热地嘅芝士，每一个薯仔都有拉丝嘅感觉，满足晒视觉上嘅效果。最紧要嘅系个安格斯肉眼牛扒，足足10安士咁多，师傅好用心机咁制作5成熟嘅效果，以大火煎熟牛扒表面，锁住肉汁，食落去刀头轻轻咁㩒落去，牛扒已经切开，肉汁从牛扒涌出，急不及待咁试咗一旧，肉眼扒嘅鲜味同均匀分布嘅脂肪，再加上鲜嫩嘅肉质，三者形成绝配，好味嘅感觉从舌尖直奔喉咙，味蕾充满住新鲜食材嘅感觉，非常值得推介。重点推介系意大利烧烤腩肉卷，腩肉卷嘅精髓就系唔能够太肥，亦唔可以痴牙。呢间腩肉卷就做到岩岩好，真正入口即溶，肉质慢煮下保持唔会好老，腩肉嘅猪味都好出，好适合小朋友食，唔会太热气同油腻，值得一试。