四季常餐 (利榮大樓)

营业中

休息中

湾仔开咗间新嘅茶餐厅叫四季常餐。佢个餐牌真系好简单，得个几样嘢拣， 就连饮品选择都少过人 ，朱古力好立克阿华田之类全部都冇。 最适合我呢啲有选择困难症嘅人去 食。我见佢全部菜式都有滑蛋喺入面，睇嚟佢对自己嘅滑蛋好有信心， 于是就点咗一个忌廉鸡汤叉烧通粉配滑蛋多士。滑蛋食落香滑有蛋香，仲带有好重胡椒粉味，唔错。忌廉鸡汤有少少稀，上面放咗啲香草， 饮落有淡淡嘅忌廉同埋鸡汤嘅咸味， 配上通粉清清地，味道几夹几好食。通粉选用有坑纹嘅通心粉， 比起坊间一般冇坑纹嘅通粉弹牙，亦不致煮到糊状，唔错。 加下外卖自取有8折，承惠42蚊， 值得encore。