上海弄堂菜肉餛飩 (已結業)

年近岁晚，公司忙到不得了，午餐原本谂住出街叹返杯咖啡，无奈朝早赶唔完手头上o既工作，最终只好叫外卖，为求速战速决。最近街口新开咗间「上海弄堂菜肉馄饨」，主打菜式劲啱最爱食饺子馄饨o既XO仔口味，所以唔洗多谂就决定试新野。门面招牌o既红纸仍未拆封，新店应该仲试紧业。玻璃窗上贴出中英对照o既彩页餐牌，方便等位o既食客参考。小肥因已手持外卖纸，十二点半就打定电话落单，玩外卖自取。「上海弄堂菜肉馄饨」虽则只系试业阶段，不过一点未到经已坐满客人，似乎都几受欢迎；由于餐店楼底极高，满座都唔算好嘈。温文友善o既靓女服务生效率极高，唔洗两分钟就已经包装好食物，离开前仲带著微笑叫细佬慢慢欣赏，真系未食个心都甜哂！外卖纸盒印有一双情心款款对望中o既小鸟，实在精致得好诗情画意。馄饨同汤分开包，卫生得黎好有饮食文化。菜肉馄饨（$47/八只）：外表坚挺o既菜肉馄饨粒粒都咁大只，皮层厚薄适中，馅料香浓鲜脆，一个人食八只真系唔系几够喉；嘻嘻，睇黎下次可以打孖上。小笼包（$36/四只）：外卖小笼包虽然一定唔及堂食咁新鲜滚热辣，不过返上公司食时都要睇热。小笼包皮薄柔软，肉馅幼嫩软滑，汤汁甜美丰盛，食完四只都唔觉溜，感觉