千樂燒味餐室 (已結業)

港式点心、云吞面同烧腊饭，真系世界各地都唔及香港嘅好味！M佬话如果豆腐火腩饭系男人嘅浪漫，咁烧腊饭就绝对系大叔的爱！咩呀？我A姐都好钟意食叉烧饭，绝对系我嘅comfort food！今日我哋嚟到湾仔嘅千乐烧味餐室，试试佢嘅烧味饭啦。师傅叉烧饭叉烧系每间烧腊店嘅灵魂，如果佢嘅叉烧赢到观众嘅心，咁呢间烧腊店已经成功咗一半喇。千乐烧味餐室嘅叉烧都唔错，肥瘦度适中，好软腍，仲有蜜糖嘅香甜味，如果可以做到微㶶焦香就更加完美。豉油鸡饭豉油鸡好嫩滑，豉油味香浓，连鸡皮都忍唔住食埋！青红萝卜煲猪骨汤老火靓汤，每日唔同款，味道清甜，最重要系无味精。椰林飘雪飘雪？仲以为系冻嘅甜品，原来系指植物燕窝，加埋椰奶，暖笠笠，唔太甜，激赞！