新泰東南亞餐廳 (興旺閣)

营业中

休息中

湾仔有一间都几大型嘅泰国菜餐厅，就系呢间占地三层嘅新泰东南亚餐厅。我哋二话不说就落单，泰式炸虾饼每次都系必点菜式，切开咗嘅虾饼总共有八件，每件都涨卜卜够厚身。虾饼炸得香口又够干身，弹牙得嚟又有虾味，点埋泰式甜辣酱简直就系绝配。马拉盏炒通菜都几大碟，通菜新鲜够爽口，马拉盏充满咸香，又唔会过辣。我仲叫咗杯芒果沙冰，衬返泰国菜式，一路食一路觉得透心凉。甜品当然要叫芒果糯米饭。佢嘅芒果净系睇色泽都知靓嘢，又腍又甜又香。糯米饭就用上黑白糯米，配埋海量嘅椰浆，真系冇得顶。