Fable

营业中

休息中

系湾仔小巷竟然隐藏一间有feel既法式小餐馆。由怕羞年轻法国主厨主理🤭老板娘话主厨系I人，太多客人赞佢靓仔搞到佢怕羞😂可能大家睇完黑白大厨，都会认为法国只系得fine dining，佢哋想带俾大家认识，其实法国当地都有普通小餐馆，份量唔一定系精致细份，绝对可以食得饱！享用美食之外可以坐喺度饮嘢慢慢chill，所以佢哋不设用餐时间限制，可以同朋友仔畅谈尽情放松。今次试咗佢个main course $398up，有前菜 、餐汤、煮食同甜品。几款菜式都有特色好味有惊喜，份量好够，食到劲饱，亦都好啱香港人胃口，推荐俾大家！前菜：［法国鹅肝吐司］、［和牛肉丸配意大利红酱］餐汤：［慢煮二十四小时龙虾汤］主食：［慢煮羊西冷佐法式红酒奶油酱］、［法式奶油白酒炖鸡配饭］甜品：［秋日限定栗子提拉米苏］、［法式焦糖炖蛋］鹅肝吐司🍞黎到见到大大件，吓一吓，好吸引😍 食落唔油腻，淡淡鹅肝味，加上意大利黑醋，同吐司直情绝配！炖鸡饭超正！超推介，酱汁味道浓郁，鸡肉好多件，炖到好腍，配料有萝卜同埋草菇，连埋啲汁送饭一流！食落感觉似高级版嘅白汁鸡皇饭😝奶油味浓浓 ！餐厅装潢法式浪漫有气氛，好适合节日庆祝饮番杯🍻。