影片
更多
2023-06-27
241 浏览
📌 坡椰坡啰咪 - 湾仔天乐里6号地下🗓(27/6) 星期二 ⏰ 晚上6:30左右 💈特式：每日收工都必经湾仔转车返屋企，但今日经过见到有间开左无耐嘅星马菜餐厅，又谂住同同事食埋饭先一齐搭车，所以就试一试呢个新开餐厅质素如何。🥩🍔🌭🌮🥗🥯🥘🍲🍝🍣🥟🍤🍱食物：上网睇返餐厅只系今年年头先开，主打食物都系星马风味，例如海南鸡/肉骨茶/喇沙等等，而家等我同大家讲下🇸🇬味道先。马拉肉骨茶套餐 $70 - 我本身都好钟意饮肉骨茶，见佢个颜色咁黑，就知道药材味够晒浓郁，但入口都几鲜味，排骨份量都几多，而且炆到入晒味，个套餐除左白饭，仲会配埋油炸鬼同油菜，只系收呢个价钱都几亲民。焗农夫咖哩包(牛脷) $85 - 可选新加坡咖哩或者印度蕃茄咖哩，我地就拣左未试过号嘅新加坡咖哩，辣味偏轻微，香料味好浓郁，椰浆味好重好香，牛脷厚切，大约有7~8件，个农夫包有轻微用牛油烘焗过，外脆内软仲好香牛油味，配埋咖哩汁食，一流。沙嗲串烧鸡肉(半打) $84 - 佢地即烧嘅沙嗲烧得好香口，鸡肉肉质嫩滑又有肉汁，配埋个微辣嘅酱汁，真系一条接一条食唔停口。鱿鱼灼通菜配马拉汁 $50 - 呢个炒菜都几抵食，鱿鱼用
🗓(27/6) 星期二 ⏰ 晚上6:30左右
💈特式：每日收工都必经湾仔转车返屋企，但今日经过见到有间开左无耐嘅星马菜餐厅，又谂住同同事食埋饭先一齐搭车，所以就试一试呢个新开餐厅质素如何。
🥩🍔🌭🌮🥗🥯🥘🍲🍝🍣🥟🍤🍱
食物：上网睇返餐厅只系今年年头先开，主打食物都系星马风味，例如海南鸡/肉骨茶/喇沙等等，而家等我同大家讲下🇸🇬味道先。
马拉肉骨茶套餐 $70 - 我本身都好钟意饮肉骨茶，见佢个颜色咁黑，就知道药材味够晒浓郁，但入口都几鲜味，排骨份量都几多，而且炆到入晒味，个套餐除左白饭，仲会配埋油炸鬼同油菜，只系收呢个价钱都几亲民。
焗农夫咖哩包(牛脷) $85 - 可选新加坡咖哩或者印度蕃茄咖哩，我地就拣左未试过号嘅新加坡咖哩，辣味偏轻微，香料味好浓郁，椰浆味好重好香，牛脷厚切，大约有7~8件，个农夫包有轻微用牛油烘焗过，外脆内软仲好香牛油味，配埋咖哩汁食，一流。
沙嗲串烧鸡肉(半打) $84 - 佢地即烧嘅沙嗲烧得好香口，鸡肉肉质嫩滑又有肉汁，配埋个微辣嘅酱汁，真系一条接一条食唔停口。
鱿鱼灼通菜配马拉汁 $50 - 呢个炒菜都几抵食，鱿鱼用虾酱轻轻炒过，鱿鱼爽口弹牙，通菜配埋香辣口味嘅马拉汁，惹味十足。
☕️🍵🥤🧋🍺🍷🥃🍹🧉🍾🍶🥛
饮品 : 个肉骨茶套餐包左普通热饮，但我见到佢地推介个拉茶几特别，所以就加左$15蚊跟餐转，大大杯嘅拉茶满到泻，睇住水吧个师傅一下一下咁拉，拉到起晒泡，望落都感觉到个份丝滑，而且杯拉茶唔多冰，唔会越饮越淡。
🍽环境：餐厅格局有少少似茶记，除左两边卡位之外，中间亦有几张4人枱，装修就用上偏淡嘅色系，比人感觉好舒服，而且因为新开无耐，所以整体都好干净企理，枱面空间亦都好够大，上晒菜仲有大量空间，亦坐得好舒服，
🤵🏻🤵🏻♀️🤵🏻♂️服务：店员服务态度都ok，佢地会主动向客人讲下店舖有咩特式/推介等，上菜/执枱速度亦都好快。
💰💸价钱：咁左成枱咁多嘅野食，两个大男人都食唔晒，埋单都只系$300左右，仲要无加一收费，呢个价钱系湾仔区都算系相当亲民。
🐲💬总结：我觉得佢地食物质素都唔错，而且款式同种类都算多选择，价钱又抵，我应该会再嚟试埋佢地其他食物，例如海南鸡/喇沙等...
推荐指数：❤️❤️❤️❤️🤍
马拉肉骨茶套餐
$70
24 浏览
0 赞好
0 留言
焗农夫咖哩包(牛脷)
$85
24 浏览
0 赞好
0 留言
沙嗲串烧鸡肉(半打)
$84
3 浏览
0 赞好
0 留言
鱿鱼灼通菜配马拉汁
$50
15 浏览
0 赞好
0 留言
拉茶
19 浏览
0 赞好
0 留言
张贴
