千樂燒味餐室 (已結業)

星期日去开湾仔买野，天气又焗又热，咁啱又行到肚饿，周围望下有咩食啦。经过见到有间烧味餐厅之前未见过嘅，估应该系新开，又热又饿就入去抖下兼医下肚啦。拣咗烧腩仔饭，咸香的肉又唔算过肥，食晒都唔会太腻。烧肉皮够脆，香口松化，合格有余，相信系招牌烧味之一。白饭口感不错，一粒粒，不会太腍亦不会过硬，没黏做一团。加上一碟葱油，成碟饭食晒。烧腩仔饭近$50一碟，以在港岛旺区计，价位算系好相宜。地方环境又唔错，好干净。下次有机会路过，会再试下其他烧味，隔离枱食叉鹅饭好似都不错。