湘蜀人家

营业中

休息中

朋友话想食川菜,我地咁啱都喺港岛,拣左去大有广场食湘蜀人家。全间店都系中国特色装修,环境几宽敞,坐得几舒服,店员服务都好好。一坐低,店员会问我地饮咩茶,有普洱、铁观音、香片等等可以拣。食物好多选择,有辣有唔辣,当然主打系食辣,同埋可以拣辣度。我地叫左个2人餐。炖汤个汤好足料,有猪骨、鸡脚、红枣，茶树菇等等,味道好浓郁,饮完感觉好补。凉菜: 夫妻肺片&凉拌兔耳尖肚片分量几多,切得薄薄一片,少少辣,但又唔会好油,唔错。凉拌兔耳尖即系木耳,个汁酸酸辣辣,食完好开胃。酸菜粉条炖鲜鱼上枱见到好大碟,卖相好吸引,鱼片好嫩滑,分量都唔少,仲有酸菜同粉条,粉条吸收左鱼汤,辣度系小小辣,唔会抢左鱼味,唔错。泡椒爆牛肉配料好丰富,牛肉好入味,肉质偏淋,唔会好辣,炒得好惹味,送饭一流。川椒回窝肉朋友话屋企唔会自己整回窝肉所以叫呢个lol 同泡椒爆牛肉一样,配料好丰富,回窝肉食落唔会肥腻,都系好惹味。