Ask For Alonzo

营业中

休息中

早几日同朋友去咗湾仔𠮶间Ask For Alonzo 食dinner。呢间餐厅主打意大利菜，环境几舒服，几chill，服务又好，有啲意大利feel。我哋点咗两份Dinner set。前菜有精选意大利冻肉同芝士拼盘，啲冻肉同芝士质素真系好高，味道浓郁，入口即化，好开胃。仲有罗马肉丸，配埋蕃茄酱同巴马臣芝士，肉丸嫩滑多汁，蕃茄酱酸酸甜甜，真系好夹。主菜方面，我哋拣咗大虾卢笋意大利炖饭同意式烤乳猪。大虾卢笋意大利炖饭用龙虾忌廉汤酱煮，饭粒吸晒汤汁，鲜味十足。意式烤乳猪配薯蓉及蘑菇汁，乳猪皮脆肉嫩，薯蓉绵密，蘑菇汁香浓，真系无得顶。甜品方面，有几款选, 我地拣佐Tiramisu同Cheesecake。Tiramisu层次分明，咖啡味浓郁，Cheesecake入口即溶，唔会太甜，完美收尾。饮品推介Campari Spritz同Prosecco，Campari Spritz清新醒胃，Prosecco气泡细致，两杯都好啱做开胃餐酒。