Maison Meiji (已結業)

520想试下新口味食和风料理，去咗湾仔嘅一间和风吃茶店食饭，餐厅喺一座好靓嘅历史建筑入面，环境好舒适，气氛好放松。我地试咗佢哋嘅柚子酸汁汉堡扒同吉列虾蛋包饭，套餐配忌廉蘑菇汤同埋沙律。蘑菇汤好滑好好饮。沙律新鲜爽口，配酱汁好开胃。柚子酸汁汉堡扒，汉堡扒好肉地又多汁，柚子味道令人惊喜，仲减少咗油腻感，配埋杂菌更加健康。饭用咗珍珠米，好饱满，食咗之后好满足。主食嘅味道偏浓，汉堡扒上面嘅萝卜蓉就可以清一清味蕾。吉列虾蛋包饭，仲有烧汁牛肉配蘑菇。吉列虾好大只好多肉。蛋包饭嘅蛋完全覆盖晒啲饭，就咁食又得，捞埋烧汁牛肉一齐食就别有一番风味。饮品就试咗佢哋嘅福泽绿茶同埋Jasmine drip coffee。福泽绿茶带有清清地淡淡嘅苦味，啱啱好配合两粒甜甜地嘅绿茶蕨饼。Jasmine drip coffee 真系有茉莉茶嘅香气，冻饮又好解渴又好消暑。