1963 木十豆寸

营业中

休息中

一句讲晒就系：食物完全唔特别，但环境取胜。与其话啲食物唔特别，可能系因为唔合香港人嘅口味？食物比较清淡，似餐厅相俾我哋食到食物嘅原味道，但又做唔到呢种「台」式淡口味，变咗好普通嘅便当。👉🏻醉鸡面线：大热天时冷面线选择不错，不过个面本身无汁，就咁配鸡好寡👉🏻熏鸡茶渍饭： 无乜熏味似普通炸过嘅鸡真系无乜特别嘅台式菜😂如果配埋饮品$100咁上下，我唔会再嚟食，试过一次就够。🫣如果讲点解咁高人气应该就系个环境，怀旧装饰好一丝不苟，小配件、用嘅家具、灯等等。因为餐厅位于一楼，地下入口位置都比较隐蔽，初头入去都唔系好sure系咪呢到。不过我谂正正因为咁样，所以感觉有啲似踏入左第二个空间，返返去60年代。呢间餐厅个名我系永远记唔住，直到我知道原来木十豆寸，系「树」咁解，就记到了。至于餐厅名点样嚟，原来系因为「1963」是唐楼起嘅年份，叫「树」系因为唐楼侧面有棵树，都几得意。