幸屋

营业中

休息中

位于湾仔嘅拉面店幸屋，拉面款式多样。听讲呢到嘅沾面都唔错，不过店员推荐我呢个新拉面所以就冇食到沾面，店员服务态度都唔差。元贝鲑鱼卵鸡白汤拉面，拉面最紧要个汤，而佢个鸡白汤汤底够晒浓厚，唔会惊佢冇味。另外配料都算丰富，有鲑鱼卵、元贝同鸡肉。自己唔系钟意食鱼子，但佢呢个鱼卵我都可以接受，唔会有腥味。另外胡麻王豚骨拉面，味道特别，汤底有芝麻味，加埋太大块叉烧食好满足！小食方面觉得最打卡嘅就系和风饺子，卖相一流，食落面层脆卜卜。