影片
更多
2022-08-21
214 浏览
湾仔附近揾嘢食，本身想食泰国菜揾咗几间，得依间嘅餐牌有千层糕，就Walk in攞位等咗20分钟，就有位了，行楼梯上3楼，对于一啲老人家唔系几方便。餐厅唔系行高档嘅格调，平民嘅装修，唔会有太多泰国风味嘅摆设。讲返嘢食，我哋两个人眼阔肚窄嗌咗四样嘢再加甜品。椒盐软壳蟹 3/5炸得香脆可口，但本身就对软壳蟹冇乜兴趣，无乜特别。南瓜焗咖哩海鲜 3.5/5原个日本南瓜，咖喱酱汁比较杰身，浓稠咁黏上海鲜，海鲜有龙虾仔青口炸鱼柳，仲有椰菜做底，其实就唔系好睇到食紧啲咩，因为酱汁完全覆盖海鲜，所以卖相比较一般，但南瓜都几甜。印度薄饼 3/5同我想像薄饼有分别，并唔系酥饼一丝一丝，而好似taco整硬左，但点咖喱汁都几好食嘅，份量都几多，有八旧。冬荫海鲜炒饭 4/5我本人觉得几抵，有大大只虾有青口有鱿鱼，炒饭又够辣又够色水又有镬气，略嫌太多香草定系芫荽嘅味道，加上卖相一般，唔系好啱影相打卡。芒果糯米饭 3/5糯米饭有紫米同埋糯米，够黏口同味道足够，普并通通正正常常。菠萝冰 2.5/5好甜，Feel唔到有菠萝味。地点:湾仔利东街附近，好易揾。环境:三层嘅装修，但无乜泰国嘅风味，走向平民大排档嘅风格。如果冇l
湾仔附近揾嘢食，本身想食泰国菜揾咗几间，得依间嘅餐牌有千层糕，就Walk in攞位等咗20分钟，就有位了，行楼梯上3楼，对于一啲老人家唔系几方便。餐厅唔系行高档嘅格调，平民嘅装修，唔会有太多泰国风味嘅摆设。
讲返嘢食，我哋两个人眼阔肚窄嗌咗四样嘢再加甜品。
椒盐软壳蟹 3/5
炸得香脆可口，但本身就对软壳蟹冇乜兴趣，无乜特别。
椒盐软壳蟹
$78
16 浏览
0 赞好
0 留言
南瓜焗咖哩海鲜 3.5/5
原个日本南瓜，咖喱酱汁比较杰身，浓稠咁黏上海鲜，海鲜有龙虾仔青口炸鱼柳，仲有椰菜做底，其实就唔系好睇到食紧啲咩，因为酱汁完全覆盖海鲜，所以卖相比较一般，但南瓜都几甜。
南瓜焗咖哩海鲜
$148
20 浏览
0 赞好
0 留言
印度薄饼 3/5
同我想像薄饼有分别，并唔系酥饼一丝一丝，而好似taco整硬左，但点咖喱汁都几好食嘅，份量都几多，有八旧。
冬荫海鲜炒饭 4/5
我本人觉得几抵，有大大只虾有青口有鱿鱼，炒饭又够辣又够色水又有镬气，略嫌太多香草定系芫荽嘅味道，加上卖相一般，唔系好啱影相打卡。
冬荫海鲜炒饭
$88
21 浏览
0 赞好
0 留言
芒果糯米饭 3/5
糯米饭有紫米同埋糯米，够黏口同味道足够，普并通通正正常常。
菠萝冰 2.5/5
好甜，Feel唔到有菠萝味。
菠萝冰
11 浏览
0 赞好
0 留言
地点:
湾仔利东街附近，好易揾。
环境:
三层嘅装修，但无乜泰国嘅风味，走向平民大排档嘅风格。如果冇lift，对于一啲行唔到楼梯嘅客人，真系好影响佢哋食嘢嘅意欲。
价钱:
系我哋本身眼阔肚窄，嗌多咗嘢食，我谂如果唔嗌小食，都够饱，仲可以平少少。但系我觉得个炒饭都几抵，$88有比较多嘅海鲜。
服务:
一个侍应招呼3楼嘅六枱客人，见到佢频频扑扑，其他客人好似都有追到厨房出菜，唔知道系唔系佢哋等得太耐？但系我觉得对于我哋嚟讲都正正常常唔会太耐，服务态度都正常发挥。
张贴
