Flagship

营业中

休息中

喺湾仔见完客无意间发现咗间几唔错嘅fusion 菜～ 感觉中西合璧 又很盏鬼 外表好似好西化但点知住咗个中式魂😂睇到个Menu 啲菜式名几得意～环境亦好舒适 有2层 天花仲有朵朵彩云咁几靓几好feel ，门口都可以轻轻打到下卡架📸 我同朋友拣咗🟡麻唔辣四川蚬、🟡21天熟成厚切猪扒 同 🟠大闸蟹糕Risotto 🍽️嚟试吓～ 麻唔辣四川蚬💗蚬肉涨卜卜亦好新鲜，有粒粒麻籽洋葱碎同葱花 有麻香味但又真系唔辣仲好似有少少酒香味配上牛油法包片沾汁嚟食又鲜又惹味🤤 21天熟成嘅厚切猪扒又真系好厚身，虽然厚身但依个猪嘅肉质好嫩唔鞋身，外表煎得好香入面仲有阵阵猪香肉汁，仲要伴有一整个香喷喷炸蒜同芦笋、唔点汁其实都好好味👍 最后个大闸蟹糕Risotto系用中式煲仔饭瓦煲上嘅😂食落阵阵蟹鲜蟹膏味都几浓味 饭亦唔会煮得太淋身 面洒咗黑椒同芫荽碎提升味蕾 不过想食就要睇季节同有冇食材先食到嘅seasonal 菜式。