陸金記瓜子大王 (已搬遷) 新店位置

成日想去荃湾陆金记买人o地话好出名o既瓜子，始终冇时间。今日同男朋友食o左饭行返屋企o既时候，见到庄士敦道开o左一间!!哇我有冇睇错呀即刻行入去啦~~~~~间舖好简陋，只系周围有o的架，瓜子同口果都系好杂乱咁放o系架上，有得试食；我要揾人o黎帮我揾一包半斤o既酱油瓜子，都要揾一段时间。店员姐姐解释系因为佢o地只系第二日试业所以要慢慢再执。我要o左半斤酱油黑瓜返到屋企拆开先知道原来包得好细心，纸袋入面又有胶袋。经典味道已经不容置疑..本人第一次试，亦都觉得瓜子好易咬开同唔掺口，虽然个人觉得味道较淡，但亦突显出瓜子味浓!!