La Moo Moo' s Steak and Fries

营业中

休息中

收工嚟到湾仔，突然好想食西餐，揾到呢间喺轩尼诗道239号上面嘅一间美式餐厅。装修环境非常舒服，典型美式风格餐厅🙆🏻‍♀️嚟到梗系要试吓啲招牌菜式。先来一客简单开胃César 沙律，生菜入口嗦嗦声，非常新鲜。当然唔少得叫佢哋嘅美国黑安格斯级顶级肋眼牛排,我哋叫咗7成熟，肉质极佳细嫩弹牙，肉汁非常澎湃，配上简单烧汁，入口真系冇得输，再加上薯条非常香脆，热辣辣。正！佢哋仲有Happy hour嘅优惠,可以买一送一，点Stella Artois啤酒相当合适，清爽顺口，完美补充呢顿美式嘅classic 晚餐。最后，当然唔少得叫甜品，熔岩巧克力蛋糕配云呢拿雪糕，绝对系嚟呢度必试嘅甜品，蛋糕外层轻脆,切开之后流出浓郁香滑嘅巧克力酱，再点一口云呢拿雪糕嚟食，绝对系非常满足。