影片
更多
2020-12-11
184 浏览
和牛控必去 🐮 食和牛一定要系烧烤或者去打边炉嘅，去位于湾仔嘅Mashi No Mashi 都又可以食到好好食嘅和牛沾面！其实佢个地点都几隐蔽， 正常人即使行过佢门口未必知佢系食咩。想去嘅朋友记住留意番，即使堂食都好，记住系要买咗飞先会安排入座嘅编号！ 听讲好似话碧咸都专程嚟食，咁我哋当然食晒佢嘅特制和牛沾面 同埋和牛丼喇！首先讲特制牛沾面先，佢面底预设嘅份量系150g，对于男士来讲略嫌有啲唔够，但女士来讲就啱啱好。 个沾汁充满着浓浓嘅牛肉味，入面仲有啲和牛粒，喺出边好少有既味道，而且温度非常之热，唔会食食吓就冻哂。我就比较钟意食冷沾面，而餐厅嘅冷沾面真系会用冻水过冷河，唔似一般餐厅净系会用室温水，咁样一冷一热食就好正。沾面上面既薄切既火灸和牛，同牛肉丼牛肉有少少唔同，我就觉得牛肉上面嘅牛肉比较好食。虽然味道好唔错，但系到尾段就觉得个沾汁似有啲咸，所以后加左一杯嘢饮🤣🤣牛肉丼黎讲，佢所用嘅嘅牛肉明显比沾面嘅厚同埋高质，有真系入口即溶嘅感觉，同埋上面个蛋黄令个卖相加咗唔少分。但我觉得个饭就略嫌比较黏身同埋少，感觉就好似食紧寿司饭，比较硬同埋难消化。虽然配上左蛋黄汁令到个牛肉丼混合左油香同
食和牛一定要系烧烤或者去打边炉嘅，去位于湾仔嘅Mashi No Mashi 都又可以食到好好食嘅和牛沾面！
其实佢个地点都几隐蔽， 正常人即使行过佢门口未必知佢系食咩。
想去嘅朋友记住留意番，即使堂食都好，记住系要买咗飞先会安排入座嘅编号！
听讲好似话碧咸都专程嚟食，咁我哋当然食晒佢嘅特制和牛沾面 同埋和牛丼喇！
首先讲特制牛沾面先，佢面底预设嘅份量系150g，对于男士来讲略嫌有啲唔够，但女士来讲就啱啱好。 个沾汁充满着浓浓嘅牛肉味，入面仲有啲和牛粒，喺出边好少有既味道，而且温度非常之热，唔会食食吓就冻哂。我就比较钟意食冷沾面，而餐厅嘅冷沾面真系会用冻水过冷河，唔似一般餐厅净系会用室温水，咁样一冷一热食就好正。沾面上面既薄切既火灸和牛，同牛肉丼牛肉有少少唔同，我就觉得牛肉上面嘅牛肉比较好食。虽然味道好唔错，但系到尾段就觉得个沾汁似有啲咸，所以后加左一杯嘢饮🤣🤣
牛肉丼黎讲，佢所用嘅嘅牛肉明显比沾面嘅厚同埋高质，有真系入口即溶嘅感觉，同埋上面个蛋黄令个卖相加咗唔少分。但我觉得个饭就略嫌比较黏身同埋少，感觉就好似食紧寿司饭，比较硬同埋难消化。虽然配上左蛋黄汁令到个牛肉丼混合左油香同埋蛋香，但个饭实在太黏太硬，呢方便就有少少扣分。
今次我哋就冇食好多人推荐嘅和牛饺子，因为个价钱非常之贵同埋已经饱饱地，希望下次有机会食下。
*厨房会喺上菜之前问你 “Ready? “，因为佢哋个招牌动作就系会喺上菜之前叫你帮佢哋影张好chok既相， 不过睇多几次就好似好尴尬咁样🙈
张贴