Trattoria Kagawa by Mihara (已結業)

上星期五同同事过咗湾仔食嘢吹水，同事介绍咗我哋去呢间意日fusion餐厅，入面除咗有西餐食之外，仲有日式铁板烧，呢种crossover真系令我大开眼界😆 而佢嘅环境都好靓下，有唔少绿色植物遍布喺餐厅，入到去即刻有种好relaxing嘅感觉😌首先嗌咗个白酒煮青口做前菜，一上到嚟就闻到好香白酒味，青口份量算多，肉质爽口新鲜，点上有蒜香嘅白酒汁一齐食，白酒青口几时都咁搭🤭主食方面，我哋嗌咗呢度嘅名物——海胆意粉👀 估唔到又几有惊喜，意粉煮到刚好，al dente嘅质感，再配上超级浓郁嘅海胆cream sauce，同埋面头甘甘甜甜嘅海胆，好食到停唔到口😋 如果份量再多返少少就更好。另外，再嗌咗牛舌意粉，牛舌系以慢煮形式制成，食落非常软腍☺️ 仲切到细细粒，方便进食，意粉同样al dente，而个sauce充满洋葱嘅香味，都几唔错！最后，我哋嗌多咗个海鲜汤，有唔同嘅chef recommended海鲜，包括大大粒带子、煎鳕鱼、青口、蚬同虾，每种海鲜都好新鲜😌 而个汤都好特别，系以罗勒、蕃茄干同埋日本香川橄榄制成，配住咁多海鲜，特别有鲜味！同你一齐揾更多好嘢食😋