影片
更多
2011-03-11
388 浏览
今日去覆诊行过，又觉得自己有少少热气，就去三不卖饮碗野葛菜水。由细到大我都系o系湾仔生活，小时候放学我会经过呢度，真系唔讲笑，大老远都闻到佢阵香味，有时真系唔够零用就冇得好讲，有钱o个日通讯我都会忍唔住行埋去整返碗。而且总系揾唔到另外一间同佢比（就算系佢自己分店，我都唔会去，我只会o黎呢一间饮）。卖茶个姨姨通常都怕太热烫亲客人，佢会斟暖葛菜水出o黎俾客人；但系我偏偏喜欢饮热的，因为感觉上见效快，饮完个身暖晒。煲成十个钟，又足料，加少少盐，即刻好饮过街边食饭o个o的馊水。我自己就牙肉肿痛最见效。一碗热的快快饮完，牙肉有少少痺，之后就唔再痛。可能我个人系热底吧！我男朋友饮完，朝早起身喉咙都冇咁多痰，而且有都唔深色。我问过姨姨咩叫三不卖，佢话唔干净，唔足料唔卖，唔干净唔卖，同火候不够唔卖。有时我见o的人饮饮o下觉得唔够盐又再加，佢都唔会俾个人将支羹放返落个盐碗度，而系即刻拎去洗，可见一斑。佢o地又都好串o下o既。我试过年三十晚去抢埋最后两支（真系要同人抢的呀），我一买埋佢已经收档，而当时只系七点半（当然，依家佢o地就话闩九点半，早十零年，佢o地系收七点的）。当时问佢，你新年放几耐，佢话成十五
由细到大我都系o系湾仔生活，小时候放学我会经过呢度，真系唔讲笑，大老远都闻到佢阵香味，有时真系唔够零用就冇得好讲，有钱o个日通讯我都会忍唔住行埋去整返碗。而且总系揾唔到另外一间同佢比（就算系佢自己分店，我都唔会去，我只会o黎呢一间饮）。
卖茶个姨姨通常都怕太热烫亲客人，佢会斟暖葛菜水出o黎俾客人；但系我偏偏喜欢饮热的，因为感觉上见效快，饮完个身暖晒。煲成十个钟，又足料，加少少盐，即刻好饮过街边食饭o个o的馊水。
我自己就牙肉肿痛最见效。一碗热的快快饮完，牙肉有少少痺，之后就唔再痛。可能我个人系热底吧！我男朋友饮完，朝早起身喉咙都冇咁多痰，而且有都唔深色。
我问过姨姨咩叫三不卖，佢话唔干净，唔足料唔卖，唔干净唔卖，同火候不够唔卖。有时我见o的人饮饮o下觉得唔够盐又再加，佢都唔会俾个人将支羹放返落个盐碗度，而系即刻拎去洗，可见一斑。
佢o地又都好串o下o既。我试过年三十晚去抢埋最后两支（真系要同人抢的呀），我一买埋佢已经收档，而当时只系七点半（当然，依家佢o地就话闩九点半，早十零年，佢o地系收七点的）。当时问佢，你新年放几耐，佢话成十五定唔知二十先开。唉，好彩买o左两支o者~~吓死人咩~~
今日我企o系度饮o左一碗，再买多一支返公司慢慢叹。
祖业系好难守，不过在我看来佢o地认真对待碗葛菜水o既态度，应该可以继续多好多代。当湾仔o既旧人旧事一路消失，三不卖就成为o左一个湾仔街坊的集体回忆了..
张贴
