三不賣野葛菜水

营业中

休息中

飲咗成8年，今次去灣仔飲係酸，其實飲開一定知咩味（之前都好正常）今次呀姐好生面口，仲問返我想點，即刻倒左我杯野，話好正常，到我話飲左好多年佢先怯一怯，好心你地職員唔好咁老套以為咁講就無事，仲係到眼啤啤我不知所謂。係後面個職員見到唔對路即刻衝出黎解圍我由旺角開始已經成日飲，真心覺得好味同有效，我覺得咁樣死橕當客傻先最令客無理，當時個呀姐係經水樽倒出黎，我懷疑係個樽唔知放左幾耐，之後用返個平時倒出嚟個壺隻味係正常！

相信住響灣仔嘅人，冇人會唔識得呢一間老字號。三不賣。對於一啲後生啲嘅人或者唔係住喺呢一區嘅人，聽到呢三個字會係完全唔知道佢係賣乜。但係灣仔人或者一啲有歷年嘅人就會知道要清熱解毒，近排食得熱氣嘢多就會去嗰度買一支野葛菜水飲。好多師傅會講，我唔驚一個人識得100萬招唔同嘅招數，但係我只怕一個人一招練咗100萬次。當一間舖頭只買一樣嘢嘅時候，而佢亦都可以幾經歷練生存到今時今日，你就會知道係真材實料，童叟無欺，絕無欺場。通常去到都係一支一支咁買走，一飲落去你會覺得喉嚨好舒服，少少鹹鹹地甜甜地咁樣，通常打完邊爐生飛滋就會第一時間諗起三不賣呢一間舖頭。涼茶嘅保證。

After having some spicy for deep fried food, i must go to Wan Chai buy a bottle 三不賣野葛菜水it really save me from  Sore throat and !The tranitional 涼茶is really useful for me as i love eat the unhealthy food 

最近打好多邊爐，又食好多辣。難以避免地又喉嚨痛。聽人話三不賣野葛菜水幾有效。放工路過，決定一試。店內獨孤一味賣野葛菜水，12蚊一碗；38一支。如果各位唔係好似我咁喉嚨痛，建議唔好加鹽。可以一賞野葛菜水獨有的清甜可口。至於功效，個人而言。啱飲完的確覺得喉嚨舒暢，但好快又失效。睇黎都係要求助專業人士啦

#中意嘅請分享請點讚🍻----------😋野葛菜水 $11碗 $29枝呢間鋪頭淨係賣一款涼茶，就係野葛菜水。野葛菜水有微微嘅鹹味同甜味，仲有小小回甘，唔似平時嘅涼茶，佢好易入口。野葛菜水由野葛菜、龍利葉、羅漢果、蜜棗、果皮等煲成。主要功效係清熱潤肺、清熱解毒、牙肉腫痛或者睡眠不足都可以改善。夏天會食好多熱氣野又怕涼茶苦，野葛菜水可以清熱又可以解喝。----------🔎三不賣野葛菜水🚩灣仔莊士敦道226號富嘉大廈地下🚩旺角花園街18號華園閣地下

從未想過會為涼茶舖寫食評，但這家小店與别不同，竟然吸引了不少好評!每逢周末在灣仔上完Flamenco堂，總會經過這家野葛菜水專門店，雖然附近都有類似的店舖，但此家老字號生意特別好，而且堅持只賣野葛菜水，名符其實是獨沽一味!三不賣始創於一九四八年，至今已逾七十載。一直都在灣仔營業，期間因租約期滿而遷往現址，至今亦已三十年。每次經過這店，不論下午或傍晚，總見門外有幾位捧場客，有說要加點鹽，有些要外買一瓶，似乎不少是熟客。一向崇尚養生食療以固本培元，沒有生病，間中也會看中醫打打平安脈，所以不常光顧涼茶舖。不過試過這裡的野葛菜水後，間中也會光顧。味道鹹中帶甜，喝後有點回甘，喉部頗舒服，夏天尤其解喝，而且有別於甜味涼茶，不怕多吃了糖。較喜歡即時從大鍋中勻出的野葛菜水，因為溫度和暖。如想喝較涼一點的，也有幾碗預先放涼了的。 $11/每碗，另有瓶裝($ 29) 可供外賣。野葛菜水材料有野葛菜、龍利葉、羅漢果、蜜棗、果皮等。據牆上招牌說明，可以清熱潤肺，下火化痰。睡眠不足，牙肉腫痛，功效尤其顯著。三不賣是指 : 不夠材料不賣，不夠火喉不賣，地方不夠乾淨不賣!堅持三個原則，䇄立香港大半個世紀!日本有很多

食得多都要清一清～真材實料、夠火候，屹立灣仔60載，位處電車旁的不老傳說——三不賣野葛菜水，每日都不乏捧場客，由上午11時開始售賣至售罄。店很細，會有兩個大大個煲撞住一個係熱辣辣嘅，另一個係凍咗嘅，無論堂食或拎走都會兩溝埋，方便飲用，如果拎走，姐姐會同你講記得要趁熱飲先有功效㗎，絕對窩心。同埋，如果你想下火嘅話可以加鹽，又或者你喜歡淡啲又得。具有清涼潤肺、下火化痰、解暑散熱之效；也具生津止渴、去火氣等功效。春夏秋冬都適合飲用。

灣仔三不賣老字號，我細細個係附近琴行學琴已經開始飲，陪伴我同我屋企人成長。店舖好簡單，只有兩個鍋，一個係熱嘅野葛菜水，一個係暖嘅。份量亦有兩款，一個係碗裝，一個係樽裝。檯上有一碗鹽，有時候口淡淡或者想重味少少就可以落d鹽調味下。今次我同屋企人啱啱係食完brunch，所以外賣樽裝返屋企飲。老闆娘最後兩勺都會入全熱嘅，所以冬天攬住樽裝當取暖哈哈！三不賣嘅野葛菜水好順口，唔飲涼茶嘅我都覺得好飲，獨特嘅味道只有三不賣先有

灣仔有兩家賣野葛菜水嘅， 呢間三不賣 同利工民 黐埋一齊，好有老香港嘅感覺， 的的確確他們的裝修與擺設， 跟飢詩小時候見到的一模一樣，沒什麼轉變。三不賣，不夠火喉不賣，不夠材料不賣，地方不夠乾淨不賣。 就是這種堅持 令他們屹立不倒 😃野葛菜水功能多多， 係咪真係咁有效就唔知，不過飲完就幾舒服咁囉 😆 有 葛菜嘅味道， 亦有種甜甜的 aftertaste 好似粟米甜咁。飢point : 8/10

原來已經有六十年歷史，有甚麼是不賣？材料不夠不賣，不夠火候不賣，地方不夠乾淨不賣，好有原則的店鋪。其實好多地方都有野葛菜水賣，不過每次飲完都覺得三不賣是最好飲的，所以每次路過灣仔，都會到這裏飲一碗或買一支外賣。這裡的野葛菜水，如果係現場飲，阿姐會將七成熱三成涷混在一起，變成和暖，而葛菜水雖然睇起上來好深色，不過味道唔會太濃又唔太淡，之前我會加少許鹽，後來覺得唔加，可以飲到葛菜水本身的清甜😋😋😋

今日完全是滿足媽媽日，剛剛親自到灣仔買她最愛的潮洲滷，然後再來買她另一最愛三不賣野葛菜水，基本上媽媽絕對是大豐收😂上次碰巧是星期日，所以沒有營業，幸好今天沒有因假期而休息。媽媽常言道野葛菜水乃是民間食療智慧，有多種療效且便宜，降火氣最佳之選。每次買野葛菜水老闆都會問添加鹽巴與否，我當然要呢! 溫熱的野葛菜水混合鹽巴提味後，甘甜中帶點微鹹，喝起來回甘舒喉，比傳統的涼茶，野葛菜水會較年輕人容易接受的味道。

話說最近成日出街食飯，又打邊爐丶又韓燒丶又串燒又.................總知就係食左勁多熱氣野啦！但係Christmas就到，點可以係Xmas之前就已經病架啦所以一番工，就去樓下三不賣買番枝葛菜水打個底先！味道甜甜地，加左少少鹽，味兗好順口。唔會話苦或者味道怪，只係有少少菜水的味道，其實幾好飲。如其飲中藥打底，不如飲葛菜水，起麻好味呀麻！大家記住呀，葛菜水得灣仔同埋旺角兩間分店，唔好光顧一D冒牌商店呀！

我前半生都住在灣仔，對於灣仔區的轉變，真的慨嘆，只是每次經過灣仔都會去一些熟悉的地方幫襯，這間三不賣在這區都有幾十年，街坊鄰居無人不識，連其他區域的人都會幫襯這間公司只賣葛菜水，它的味道由始至終都沒有改變，因為從來只有真材實料，先可以做到。我喜歡加少許鹽在葛菜水𥚃，更能増加鮮味。

今天起身感覺喉嚨不太舒服，第一時間諗起灣仔既三不賣，我覺得呢碗葛菜水，用料足，所以比起平時諗既差別好大，$10一碗，一飲喉嚨舒服晒，入口涼涼好重夢漢果味，就算飲完一陣，口入面都會有回甘！真係每次唔舒服都會諗起！獨估一味都可以生存甘多年，總有道理的！

今日經開灣仔做野，行去集成諗住拍個八達通平$2，點知原來已經無左..心灰地行返地鐵站之際，見到「三不賣」呢間涼茶小店! 以前聽老公講過「三不賣」野葛菜湯好出名，反而行過，就飲碗試試!每碗$10，涼茶黎講唔貴呀，去到已經有幾個人排緊隊，等左一陣，枱面嗰D飲晒，老闆娘”筆”左碗熱辣辣既比我，野葛菜湯一入口就覺得味道好甘甜，直頭有回甘既感覺，我覺得似回甘既西洋菜湯XD，老闆娘話加D鹽個味會有D唔同，仲可以下火清熱氣TIM，我就加左少少，即刻變左少少咸，又另一種味道播!宜家香港好少見到仲有店舖係淨係賣一樣野了，我欣賞老闆嗰份堅持!