The Oyster House (已搬遷) 新店位置

今日去咗湾仔Oyster House食Brunch set，399一位，净系前菜都有6道，食到饱饱好满足。先嚟四只法国生蚝，真系好鲜甜，肉身饱满而且够creamy，有种咸咸地海水味道，蚝味浓郁又美味。西班牙八爪鱼配白豆薯肉沙律，薯蓉甜甜地，加咗白豆同埋八爪鱼，比平日有啲咬口，仲带橄榄油香。挪威三文鱼薄片，上面撒咗粉红胡椒同鲜果，色彩缤纷，好靓好激发少女心！粉红胡椒有少少麻感，食落感觉好新鲜。海鲜刺身塔，用咗芝麻味嘅中东米同辣辣地嘅泡菜酱汁，加埋弹牙嘅八爪鱼，好好口感，整个前菜感觉fresh。鸳鸯红酒烩猪脸肉伴黑松露薯蓉，猪脸肉烩得好腍，同埋黑松露薯蓉一齐食，味道浓郁香气四溢。自家制蟹饼，上次都有食过，好重蟹味，仲食到一丝丝蟹肉，外层炸到好香脆，令人回味无穷。主菜有油封鸭腿伴黑松露薯蓉，鸭腿肉肥美，皮煎到好香脆，带有一种令人垂涎欲滴嘅口感。烤牛骨髓拌和牛肉眼粒，骨髓份量好大条，牛肉眼粒煮到好入味，配埋煮到甜甜地嘅洋葱同烘到脆口嘅多士，味道一流。我会推荐食完之后刮埋骨髓伴多士，增添多一重享受。最后系精选甜品拼盘！白酒煮梨，甜甜地，清新嘅口感可以中和返主菜嘅味道，梨去咗皮，吸收哂白酒香。香蕉